کراچی : (ویب ڈیسک)قومی ٹیم کے کپتان سرفراز احمد کے بیٹے عبداللہ کی گلی میں بچوں کے ساتھ کرکٹ کھیلتے ہوئے وڈیو سوشل میڈیا پر وائرل ہو گئی۔سماجی رابطے کی ویب سائٹ پر جاری ویڈیو میں دیکھا جا سکتا ہے کہ عبداللہ بیٹنگ کررہے ہیں اور بلے کو سرفراز کی طرح ہوا میں لہرا بھی رہے ہیں۔دوسری جانب ٹوئٹر پر صارفین نےعبداللہ کی اس وڈیو پر خوب تبصرے کئے ہیں جبکہ قومی ٹیم کے فاسٹ بولرمحمد عامر نے بھی وڈیو پر تبصرہ کرتے ہوئے عبداللہ کو کیوٹ قرار دیا ہے۔یاد رہے کچھ ماہ قبل بھی سرفراز احمد نے اپنے ٹوئٹر اکاو¿نٹ پر اپنے بیٹے عبد اللہ کے ساتھ کرکٹ کھیلنے کی ویڈیو شیئر کی جو کچھ ہی دیر میں وائرل ہوگئی۔ویڈیو میں دیکھا جا سکتا ہے کہ پاکستانی کپتان اپنے بیٹے کے پیچھے کھڑے ہوکر وکٹ کیپنگ کے فرائض سرانجام دے رہے ہیں۔