اچانک موت واقع ہونے سے قبل سشما سوراج کیجانب سے کشمیر تنازع سے متعلق کیا گیا ٹوئٹ سامنے آگیا

نئی دہلی (ویب ڈیسک ) اچانک موت واقع ہونے سے قبل سشما سوراج کی جانب سے کشمیر تنازعے سے متعلق کیا گیا ٹوئٹ سامنے آگیا، بھارت کی سابق وزیر خارجہ نے آرٹیکل 307 ختم کرنے پر نریندر مودی کا شکریہ ادا کیا، مبارکباد دی اور کہا کہ انہیں اپنی تمام عمر اسی دن کا انتظار تھا۔ تفصیلات کے مطابق دل کا دورہ پڑنے کے بعد اچانک انتقال کر جانے والی بھارت کی سابق وزیر خارجہ سشما سوراج کا موت واقع ہونے سے قبل کیا گیا آخری ٹوئٹ سامنے آیا ہے۔انتقال ہونے سے قبل سوشما سوراج نے کشمیر تنازعے اور آرٹیکل 307 ختم کیے جانے کے حوالے سے ہی ٹوئٹ کیا تھا۔ اپنے ٹوئٹ میں سوشما سوراج نے بھارت کے وزیراعظم نریندر مودی کا خصوصی شکریہ ادا کیا، اور انہیں مبارکباد بھی دی۔بھارت کی سابق وزیر خارجہ سوشما سوراج کا کہنا تھا کہ وہ نریندر مودی کی شکر گزار ہیں، انہیں نے اس دن کیلئے اپنی تمام عمر انتظار کیا تھا۔واضح رہے کہ منگل کے روز بھارت کی نامور سیاستدان اور سابق وزیر خارجہ سشما سوراج کا انتقال ہو گیا۔ بھارتی میڈیا کی جانب سے فراہم کردہ مزید تفصیلات کے مطابق منگل کے روز سوشما سوراج کو دل کا دورہ پڑا، جس کے بعد انہیں فوری ہسپتال لے جایا گیا۔ تاہم ہسپتال پہنچنے تک سوشما سوراج انتقال کر چکی تھیں۔ انتقال کے وقت سوشما سوراج کی عمر 67 برس تھی۔سوشما سوراج مودی کے گزشتہ دور حکومت میں وزیر خارجہ کے عہدے پر براجمان تھیں اور بھارتی حکومت کی دوسری طاقتور ترین شخصیت تصور کی جاتی تھیں۔ تاہم رواں برس نریندر مودی نے الیکشن جیتنے کے بعد حیران کن طور پر سشما سوراج کو وزارت خارجہ کا قلمدان نہیں سونپا تھا۔ سشما سوراج کافی عرصے سے منظر عام سے غائب تھیں، اور اب ان کا انتقال ہوگیا ہے۔