پیرمحل (سٹی رپورٹر) ”خبریں“ کی خبر پر ایکشن‘ چھٹی جماعت کی طالبہ سے زیادتی کرنے والے ملزم امام مسجد ناصر کا تھانہ اروتی کے ایس ایچ او عباس نے 8 روزہ جسمانی ریمانڈ لے لیا۔ ایس آئی مزمل حیات نے بتایا کہ ملزم کا ڈی این اے ٹیسٹ بھی کرایا گیا اور اس سے اسلحہ بھی برآمد کرایا جائے گا۔ ملزم کو کیفر کردار تک پہنچایا جائے گا۔ متاثرہ بچی کی والدہ اور پھوپھی نے انصاف کا مطالبہ کرتے ہوئے وزیراعظم سے اپیل کی ہے کہ ملزم کو قرار واقعی سزا دی جائے۔