،لاہور: قومی ٹیم کی ورلڈکپ میں ناقص کارکردگی پر سابق ٹیسٹ کرکٹرز بھی رنجیدہ ہیں۔ورلڈکپ سے پاکستان ٹیم کا اخراج نوشتہ دیوار بن چکا ہے،اس صورتحال پر سابق کرکٹرز بھی رنجیدہ نظر آرہے ہیں۔رمیز راجہ نے کہاکہ پاکستانی شائقین کے دل بجھ گئے، گرین شرٹس کو ناقابل اعتبار ہونے کا لیبل اتارنا ہوگا،ایسا کرنے کیلیے کارکردگی میں تسلسل لانا ضروری ہے،ہمیں مستقبل کیلیے بیٹسمین اور آل راﺅنڈرز تیار کرنا ہوں گے۔شعیب اختر نے کہا کہ مجھے سمجھ نہیں آرہا کہ کیویز انگلینڈ کیخلاف اتنی آسانی سے کیسے ہار گئے؟انھوں نے گرین شرٹس کو بھی آڑے ہاتھوں لیتے ہوئے کہا کہ ہم اپنی غلطیوں کی وجہ سے اس حالت پر پہنچے، کھلاڑی خوفزدہ نظر آرہے ہیں،ہم اس ڈری ہوئی ٹیم اور انتظامیہ کے ساتھ جیت کی راہ پر گامزن نہیں ہوسکتے، اس کیلیے پاکستان کو دلیر کھلاڑیوں اور انتظامیہ کی ضرورت ہے۔انھوں نے کہا کہ سنا ہے کہ وزیر اعظم عمران خان سسٹم میں تبدیلی لانا چاہتے ہیں، پیسے کے پیچھے بھاگنے والوں کے بجائے جدید کرکٹ کی سمجھ بوجھ رکھنے والے افراد کو ا?گے لایا جائے تو نتائج حاصل ہوں گے۔
