لاہور(صدف نعیم سے)نواز لیگ میں اقتدار کی جنگ بالآخر پارٹی کو لے ڈوبے گی، ن لیگ میں بیانیوں کی کش مکش میں لیگی ارکان کہیں کے نہیں رہے،رانا ثناءاللہ جذباتی بیان دینے کی بجائے ماڈل ٹاﺅن سانحے کا حساب دیں ،ن لیگ کے ارکان اپنی قیادت کے روز روز کے جھگڑوں سے دلبرداشتہ ہوچکے ہیں۔ نوازلیگ کو لینے کے دینے پڑ گئے ہیں۔ اپوزیشن میں ٹوٹ پھوٹ یقینی ہو چکی تھی۔ ابھی مزید ارکان بھی چلے جائیں گے۔ یہ بات صوبائی وزیر اطلاعات و ثقافت سید صمصام علی بخاری نے آج اپنے ایک بیان میں کہی۔ سید صمصام بخاری نے کہا کہ نوازلیگ میں اقتدار کی جنگ بالآخر پارٹی کو لے ڈوبے گی۔ اس پارٹی میں قیادت کے لئے ضمنی الیکشن ہو سکتے ہیں۔ عوام کو بھول بھلیوں میں ڈالنے کے دن گزر چکے ہیں اور ن لیگ میں بیانیوں کی کش مکش میں لیگی ارکان کہیں کے نہیں رہے۔ انہوں نے کہا کہ نوازلیگ کی وضاحتیں کسی کام نہیں آئیں گی۔ پنجاب میں گزشتہ دو ادوار میں جو کچھ ہوا وہ سب کے سامنے ہے۔ صوبائی وزیر نے کہا کہ رانا ثناءاللہ جذباتی بیان دینے کی بجائے ماڈل ٹاﺅن کے سانحے کا حساب دیں۔ انہوں نے کہا کہ ملک کو لوٹنے والوں کو بالآخر اپنے کئے کا حساب دینا ہو گا۔
