اسلام آباد (نامہ نگار خصوصی) سی پی این ای کے اجلاس کے موقع پر ایڈیٹر خبریں گروپ امتنان شاہد نے صدر مملکت ڈاکٹر عارف علوی کو تجویز دی کہ ڈیڑھ سال قبل پاکستان میں جس طرح آبی ذخائر بنانے کی تحریک چلی تھی اس کو دوبارہ چلایا جائے۔ آپ کا عہدہ غیر سیاسی ہے آپ کہتے ہیں کہ میں اس طرح کے کام کرنا چاہتا ہوں تو آپ سابق چیف جسٹس میاں ثاقب نثار کی طرح اس کی سرپرستی کریں۔ جس کے جواب میں صدر مملکت ڈاکٹر عارف نے کہا کہ آپ کی تجویز بہت عمدہ ہے میں وزارت آبی وسائل اور آبی ماہرین کو بلا کر جلد اس پر کام شروع کروں گا۔
