کارڈف ویلز :(ویب دیسک)ورلڈ کپ میں آج دو میچز کھیلے جائیں گے جس میں پہلامقابلہ آسٹریلیا اور سری لنکا جب کہ دوسرا افغانستان اور جنوبی افریقا کے درمیان ہوگا۔پہلا میچ اوول گراو¿نڈ میں آسٹریلیا اور سری لنکا کے درمیان ہوگا جس کا آغاز پاکستانی وقت کے مطابق دوپہر 2:30 بجے ہوگا۔دوسرے میچ میں افغانستان اور جنوبی افریقا کی ٹیمیں کارڈف ویلز اسٹیڈیم میں مدمقابل ہوں گی اور یہ میچ پاکستانی وقت کے مطابق شام ساڑھے 5 بجے شروع ہوگا۔ایونٹ میں سری لنکا اب تک چار میچز میں سے ایک میں کامیابی حاصل کرسکی ہے جب کہ آسٹریلیا چار میچز میں سے تین میں فاتح رہی۔پوائنٹس ٹیبل کے اعتبار سے آسٹریلیا تیسرے نمبر پر ہے جب کہ سری لنکا پانچویں نمبر پر ہے۔دوسری جانب جنوبی افریقا اور افغانستان کی ٹیمیں اب تک چار میچز کھیل چکی ہیں اور چاروں میچز میں دونوں کو شکست کا سامنا کرنا پڑا ہے۔پوائنٹس ٹیبل کے اعتبار سے جنوبی افریقا نویں نمبر جب کہ افغانستان آخری یعنی دسویں نمبر پر ہے۔