لاہور( ویب ڈیسک)چیئرمین برابری پارٹی پاکستان جواد احمد کا کہنا ہے کہ 72گھنٹے گزرنے کے بعد بھی ادویات کی قیمتیں کم نہ ہونا وفاقی حکومت کی بیڈ گورنس کا منہ بولتا ثبوت ہے ،برابری پارٹی اس اہم ایشو پر اپنا نکتہ نظر عوام تک پہنچانا اپنی ذمہ داری سمجھتی ہے ان کا کہنا تھا ملک کرپشن، ذاتی مفادات کی وجہ سے پیچھے جا چکاہے،عمران کرپشن، غربت،جہالت اور بیروز گاری کی علامت ہیں ان باتوں کا اظہار انھوں نے پارٹی کے مرکزی سیکرٹیریٹ میں پارٹی کی ایگزیکٹو کمیٹی سے خصوصی گفتگو میں کیا اس موقع پر ان کا مزید کہنا تھاکہ ادویات ساز اداروں کی تھرڈ پارٹی انسپکشن کے نام پر کڑور ں روپے خرچ کرنا سمجھ سے بالاتر ہے اس کام کو ڈرگ انسپکٹرز ذریعے بھی کروایا جاسکتا تھا،ان کا کہنا تھا کہ حالیہ شدید بارشوں اور ڑالہ باری سے فصلوں کو شدید نقصان پہنچا جس وجہ سے پیدواری ہدف میں 15 سے 20 فیصدتک کمی کا خدشہ ہے۔ صوبے بھر کی غذائی ضرورت پوری کرنے والے پنجاب میں بارشوں نے تباہی مچا دی ہے جس کے باعث کسان کی محنت پر پانی پھر گیاہے اور اس سے زیادہ نقصان جنوبی پنجاب اور وسطی پنجاب کے اضلاع میں ہواحکومت کو چاہیے کہ ان علاقوں میں کسانوں کے جانی اور مالی نقصان کی تلافی کے لئے امدادی پیکج کا فوری اعلان کرئے۔
