لاہور (خصوصی رپورٹر) محکمہ داخلہ پنجاب نے بغیر ہیلمٹ چلائی جانے والی موٹر سائیکلیں تھانوں میں بند کرنے کا حکم دے دیا ہے۔ محکمہ داخلہ پنجاب کی جانب سے ڈی آئی جی ٹریفک کو بھیجے گئے مراسلے میں کہا گیا ہے کہ جو موٹر سائیکل ڈرائیور ہیلمٹ نہ پہنے ان کی موٹر سائیکلیں تھانوں میں بند کر دی جائیں۔ مراسلے میں یہ بھی حکم دیا گیا ہے کہ شہر بھر میں بغیر ہیلمٹ موٹر سائیکلوں کو پٹرول فراہم کرنے والے پٹرول پمپوں کو بھی سیل کر دیا جائے اور ہیلمٹ کے قوانین پر سختی سے عملدرآمد کروایا جائے۔