لندن (شوبزڈیسک )رواں ماہ شادی کے بندھن میں بندھنے والی بالی ووڈ کی جنگلی بلی پریانکا چوپڑا نے گزشتہ روز امریکی سسرالیوں کے ساتھ لندن میں پہلی کرسمس منائی۔امریکی گلوکار نک جونس اور بالی ووڈ اداکارہ پریانکا چوپڑانے گزشتہ رات کرسمس تقریبات کی تصاویر انسٹاگرام پر شیئر کی ہیں جس میں وہ اپنے نئے خاندان والوں کے ساتھ جوش وخروش سے کرسمس مناتے نظر آرہے ہیں۔تصاویر میں پریانکا کی والدہ مدھو چوپڑا اور بھائی سدھارتھ بھی نظر آرہے ہیں۔تصویر میں دیکھاجا سکتا ہے کہ پریانکا اپنے دیور کے برابر میں بیٹھی ہیں جبکہ ان کے شوہر نک جونس ان کی سامنے والی نشست پر بر اجمان ہیں۔
نک جونس نے بھی انسٹاگرام پر دو تصا ویر شیئر کی ہیں ، ایک تصویر میں وہ اپنے بھائیوں کے ساتھ کرس مس ٹری کے پاس پوز دیئے کھڑے ہیں ۔دوسری تصویر ان کی اپنی بیگم کے ساتھ ہے۔تصاویر کو دیکھ کر لگتا ہے دونوں ایک دوسرے کے ساتھ بڑے مطمئن اور خوش ہیں۔واضح رہے دونوں اپنے ممبئی استقبالیے کے بعد کرسمس کے لئے لندن آگئے تھے ۔دونوں جلد ہی اپنے امریکی دوستوں کو بھی دعوت ولیمہ کھلائیں گے۔
