لاہور(شوبزرپورٹر)اداکارہ میرا نے کہا ہے کہ 2018ءمیرے لئے برا اور بھاری تھا ۔انہوں نے روزنامہ خبریں سے خصوصی گفتگو کرتے ہوئے کہا کہ گزشتہ سال کے دوران مجھے بہت سے چیلنجز کا سامنا کرنا پڑا مجھے بار بار عدالتوں کے چکر لگانا پڑے ۔ ان باتوں میں کوئی حقیقت نہیں میں تو اپنی زندگی جی رہی ہوںیہ سب کچھ میڈیا کا کیا دھرا تھا۔میڈیا نے پچھلے برس میرے ساتھ انتہائی برا سلوک کیا میں میڈیا والوں کو کبھی معاف نہیں کروں گی۔ انہوں نے کہا کہ یہ جو چند ٹکوں کی خاطر دوسروں کے حق میں لکھتے ہیں میرے بارے لکھتے ہوئے انہیں کیوں سانپ سونگھ جاتا ہے ۔نئے سال اب میں میڈیا کی خبر لوں گی۔میں نے اپنا ذاتی سٹاف اور مینجر بھی اسی وجہ سے تبدیل کرلیا ہے کیونکہ وہ بھی میڈیا کے ساتھ ملے ہوئے تھے ۔انسان کو میری طرح باکردار ہونا چاہئیے میں ان میڈیا والوں کے ترلے نہیں کروںگی۔