کراچی (شوبز ڈیسک)ٹی وی فنکاروں کے بعد موجودہ دور کی اداکارہ ہاجرہ یامین نے بھی فلمی دنیا میں بھرپور انداز میں انٹری دینے کا فیصلہ کر لیا۔ وہ ہدایتکارہ ، رائٹر و فلمساز شازیہ علی خان کی نئی فلم پنکی میم صاحب میں جلوہ گر ہورہی ہیں۔مذکورہ فلم کی تمام تر عکسبندی دبئی میں کی گئی ہے جس میں ٹی وی کے دیگر فنکاروں عدنان جعفر، کرن ملک اور شمیم ہلالی نے بھی کام کیا ہے۔ مذکورہ فلم کو دسمبر کے پہلے ہفتے میں ملک بھر کے سینما گھروں میں ریلیز کیا جائیگا۔ انہوں نے کہا ذاتی طور پر کم مگر معیاری فلموں میں کام کرنے کی خواہشمند ہوں۔ بھارتی فلموں کے سوال پر انکا کہنا تھا ملکی فلموں کی کامیابی کے بعد انڈسٹری کو مستحکم بنانے پر توجہ دینے کی اشد ضرورت ہے۔ ملکی انڈسٹری کو استحکام ملے گا تو فنکاروں کو بھی بیرون ممالک کی فلموں میں کام کرنے میں لطف آئیگا فی الحال میں دیکھو اور انتظار کرو کی پالیسی پر عمل پیرا ہوں۔
