لاہور (سپورٹس ڈیسک) ابوظہبی ٹی ٹوئنٹی کرکٹ ٹورنامنٹ میں عبدالرزاق اور عمران نذیر لاہور قلندرز کی جانب سے ایکشن میں نظر آئیں گے، 4 سے 6 اکتوبر تک شیڈول ایونٹ میں ذوالفقار بابر اور 3 غیرملکی کرکٹرز بھی قلندرز کا حصہ ہوں گے۔ابوظہبی ٹی 20 ٹورنامنٹ 4 سے 6 اکتوبر تک شیخ زید سٹیڈیم میں کھیلا جائے گا جس میں لاہور قلندرز سمیت دنیا بھر کی ٹاپ ٹی 20 ٹیمیں شریک ہوں گی۔ ہر ٹیم میں 4 انٹرنیشنل کھلاڑیوں کی شرکت لازمی ہے، عبدالرزاق بطور انٹرنیشنل پلیئرلاہور قلندرز کا حصہ بنے ہیں۔عبدالرزاق کا کہنا ہے کہ وہ ابوظہبی ٹی 20 کیلئے لاہور قلندرز کا حصہ بننے پر کافی خوش ہیں۔قبل ازیں لاہور قلندرز نے جارح مزاج بلے باز عمران نذیر کو بھی اس ٹورنامنٹ کیلئے سائن کیا ہے جس پر مداح بے صبری سے ٹورنامنٹ کا انتظار کر رہے ہیں۔
