لاہور(شوبز ڈیسک ) مقبول ترین بلاک بسٹر ڈرامہ” خانی“ کے بعد پروڈیوسرعبداللہ کادوانی ، اور اسد قریشی نے شائقین میںمقبول ترین جوڑی فیروز خان اور ثنا جاوید کو ایک بار پھر سیونتھ سکائی انٹرٹینمنٹ کے میگا پروجیکٹ”رومیو ویڈز ہیر“میں اکٹھا کردیا ہے۔ڈرامے کی تمام تر تیاریاں مکمل کرلی گئیں ہیں، اکتوبر میں نشر کیا جائے گا۔ ڈرامے کی ہدایات معروف ڈائریکٹر انجم شہزاد نے دیں ہیں، انجم شہزاد اس سے قبل “خانی”میں اپنی صلاحیتوں کے جوہر دکھاچکے ہیں، کہانی ڈرامہ رائٹر محمد یونس بٹ نے تحریر کی ہے۔ ٹائٹل ٹریک موج مستی سے بھرپور اور مزاح سے بھرپور ہے جس میں دونوںکا ڈانس نمبر مداحوں کو حیرت میں ڈالنے کے لیے کافی ہے۔
