اسلام آباد(مانیٹرنگ ڈیسک) قومی کرکٹ سٹار شاہد آفریدی نے ڈیمز بنانے کے لیے چیف جسٹس کی جانب سے قائم فنڈز میں 5لاکھ روپے عطیہ دینے کا اعلان کیا ہے۔جبکہ شاہد آفریدی فاﺅنڈیشن کی جانب سے 10لاکھ روپے ڈیمز فنڈز میں دینے کا اعلا ن کیا ہے۔ اپنے ایک ٹویٹ پیغام میں شاھد آفریدی نے کہا کہ ملک میں ڈیمز کی تعمیر وقت کی اہم ضرورت ہے۔ چیف جسٹس آف پاکستان اورپاک فوج کا پانی کے لیے ڈیمز کااقدام قابل تحسین ہے۔ عوام آنیوالی نسلوں کے لیے اپنا کردار ادا کریں۔ شاھد آفریدی نے کہا کہ ڈیمز کے لیے اعلان کی گئی رقم وہ وطن واپس آتے ہی فنڈز میں جمع کروائیں گے۔
