لاہور(شوبزڈیسک)اداکارہ ندا چودھری عید کے ڈرامہ” لونگ تے لاچی “ کی ریہرسل میں مصروف ہو گئیں۔اس حوالے سے انہوں نے میڈیا سے گفتگو کرتے ہوئے بتایا کہ وہ ڈائریکٹر اور رائٹرز اظہر ملک کے عید کے خصوصی کھیل میں محفل تھیٹر میں پرفارم کرتی نظر آئیں گی۔ انہوں نے کہا کہ گزشتہ رات سے ریہرسل شروع ہو گئی ہے اور اس کھیل کیلئے میں نے خصوصی طور پر کئی لباس بھی تیار کروائے ہیں۔ اس کھیل کو اسحاق چودھری پیش کر رہے ہیں۔ڈرامہ میں صائمہ خان اورہنی شہزادی بھی اپنی اداﺅں کے جلوے بکھیریں گی۔ڈائریکٹر اظہر ملک نے بتایا کہ” لونگ تے لاچی“فیملیز کیلئے لکھا گیا ہے جس میں آپ کو ولگیریٹی نظر نہیں آئے گی اور جہاں قہقہوں کے طوفان اٹھیں گے وہیں نامور اداکارائیں پرفارم کرتی بھی نظر آئیں گی۔
