کراچی(ویب ڈیسک) متحدہ قومی موومنٹ (ایم کیو ایم) پاکستان کے رہنما فاروق ستار کا کہنا ہے کہ سندھ کے شہری لوگوں کو اپنا صوبہ مانگنا ہوگا، جنوبی سندھ کی تحریک بنانی ہوگی۔کراچی میں ایک تقریب سے خطاب کرتے ہوئے فاروق ستار نے کہا کہ سندھ کو دو صوبوں میں تقسیم کرنا ہوگا، ہم ریفرنڈم بھی کرائیں گے اور مزار قائد پر بیٹھ جائیں گے، بانی قائد کے مزار سے تب تک نہیں اٹھیں گے جب تک ہمارا حق پورا نہ ہو۔فاروق ستار نے کہا کہ کراچی کے لوگوں کو بنیادی سہولتوں سے محروم کردیا گیا ہے، داخلوں پر پابندی، پانی اور بجلی کے مسائل کو کیسے حل کیا جائے گا؟دستخطی مہم شروع کریں،جنوبی صوبہ آپ کا ہوگا۔رہنما ایم کیو ایم نے کہا کہ ہمیں ختم اور مٹانے کی کوشش کی گئی، ہم نے پاکستان بنایا اور اپنے حقوق کے لیے ایم کیو ایم بنائی۔فاروق ستار نے کہا کہ آج پاکستان کی تاریخ کا بدترین بلدیاتی نظام ہے، بلدیاتی نظام صرف دکھاوا اور خانہ پوری ہے، ہمیں دیکھنا ہے کہ ہمارے مسائل کا حل کیا ہے، پاکستان کے ا?ئین میں اختیار اور وسائل کی تقسیم کا فارمولا موجود ہے۔پاکستان میں وفاقی اورصوبائی حکومت کے پاس اختیارات ہیں ہے، بلدیاتی نظام صرف دکھاوا اور خانہ پری ہے، بلدیہ ٹاو¿ن میں تین ماہ میں ایک بار پانی ا?تا ہے، پانی کے لیے ذرائع تلاش نہ کیے گئے توساری چیزیں دھری رہ جائیں گے۔
