ملتان (سٹاف رپورٹر) عدنان شاہد فاﺅنڈیشن کے زیر اہتمام گزشتہ روز غریب و مستحق خواتین اور ”خبریں“ میں کام کرنے والے مستحق ورکرز میں رمضان شریف کے حوالے سے راشن کی تقسیم کی گئی۔ اس موقع پر عدنان شاہد مرحوم کے بیٹے نوفل اویس شاہد نے مستحق افراد میں راشن تقسیم کیا اور کہا کہ اگر حکومتیں اور حکومتی نمائندے زکوٰة سمیت غرباءکیلئے شروع کی گئی سکیموں پر بہتر طریقے سے عملدرآمد کریں تو لوگ اس طرح جگہ جگہ لائنوں میں لگے نظر نہ آئیں یہ ایک المیہ ہے کہ زکوٰة اور دیگر امداد حق دار تک نہیں پہنچ رہی ہے عدنان شاہد فاﺅنڈیشن کا مقصد ہی حق دار تک اس کا حق پہنچانا ہے اور انشاءاللہ یہ مشن جاری رہے گا۔ اس موقع پر مستحق افراد نے چیف ایڈیٹر روز نامہ خبریں جناب ضیا شاہد کی صحت یابی جبکہ مرحوم عدنان شاہد کیلئے مغفرت جبکہ نوفل اویس شاہد کےلئے زندگی میں کامیابیوں کے حصول کیلئے دعا کی اور ”خبریں“ کے کارکنوں کی صحت و برکت کیلئے بھی دعائیہ کلمات ادا کیے۔
راشن تقسیم
