پیونگ چانگ (اے پی پی) جنوبی کوریا میں جاری 23ویں ونٹر اولمپکس گیمز میں پہلا طلائی تمغہ سویڈن کے نام رہا، سویڈش سکیئر شارلوٹی کالا نے کراس کنٹری ویمنز سکائی ایتھلون ایونٹ میں ٹائٹل جیت کر ملک کو پہلا طلائی تمغہ دلوایا۔ 30 سالہ سویڈش سکیئر نے ایونٹ میں دفاعی چیمپئن میرٹ بورجن کو 7.8 سیکنڈز کے فرق سے شکست دے کر طلائی تمغہ اپنے نام کیا، شارلوٹی نے 40 منٹس اور 44.9 سیکنڈز میں فاصلہ طے کر کے ملک کیلئے پہلا طلائی تمغہ جیتنے کا اعزاز حاصل کیا،میرٹ بورجن نے سلورمیڈل اپنے نام کیا۔ فن لینڈ کی کرسٹا تیسرے نمبر پر رہیں اور کانسی کے تمغے کی حقدار ٹھہریں۔
