لاہور (وقائع نگار) پاکستان عوامی تحریک کی سنٹرل کور کمیٹی کا مشاورتی اجلاس پاکستان عوامی تحریک کے سربراہ ڈاکٹر محمد طاہر القادری کی زیر صدارت انکی رہائش گاہ پرمنعقد ہوا، اجلاس میں 7جنوری کی ڈیڈ لائن کے اختتام کے بعد احتجاج کے لائحہ عمل پر تفصیلی غور و خوض کیا گیا اور تمام ممکنہ آپشن زیر بحث لائے گئے۔ ڈاکٹر طاہر القادری نے کور کمیٹی کے اجلاس سے خطاب کرتے ہوئے کہا کہ احتجاجی لائحہ عمل کے حوالے سے اپنے تمام آپشن اے پی سی میں شریک جماعتوں کی قیادت اور سٹیرنگ کمیٹی کے سامنے رکھیں گے، حتمی اعلان سٹیرنگ کمیٹی کرے گی۔ ڈاکٹر طاہر القادری نے کہا کہ حصول انصاف کےلئے ہر حد تک جائینگے۔ انصاف کا حصول ایمان کی طرح اہم ہے، شہدائے ماڈل ٹاﺅن کا خون میرے سمیت پوری تحریک پر ایک قرض اور قاتلوں کو سزا دلوانا فرض ہے۔ ہم نے انصاف کےلئے بہت صبر سے کام لیا اور وقت دیا اگر کوئی ہمارے صبر اور امن پسندی کو کمزوری سمجھ رہا ہے تو اسکی یہ غلط فہمی بہت جلد دور ہو جائے گی، اجلاس میں کور کمیٹی کے ممبران خرم نواز گنڈا پور، فیاض وڑائچ، بشارت جسپال، احمد نواز انجم، رفیق نجم، نور اللہ صدیقی، ساجد بھٹی، جواد حامد، قاضی فیض الاسلام نے شرکت کی، ویمن لیگ کی صدر فرح ناز، یوتھ ونگ کے صدر مظہر محمود علوی، ایم ایس ایم کے صدر چوہدری عرفان یوسف اجلاس میں شریک تھے، دریں اثناءسربراہ پاکستان عوامی تحریک ڈاکٹر محمد طاہر القادری نے مرکزی سیکرٹریٹ میں شہدائے ماڈل ٹاﺅن کے ورثاءو اسیران انقلاب مارچ سے ملاقات کی اور انکے جذبہ اور استقامت کو سراہا اور کہا کہ ایسے عظیم کارکن کسی اور جماعت میں نہیں ہیں، اس موقع پر گفتگو کرتے ہوئے ڈاکٹر طاہر القادری نے کہا کہ کارکنوں کی لاشیں اٹھائیں انصاف نہیں ملا پھر بھی عدلیہ کے وقار پر انگلی نہیں اٹھائی۔ متفقہ جھوٹے اور قومی لٹیرے سپریم کورٹ کے ججز کو کہتے ہیں کہ چھوڑیں گے نہیں، ہم کہتے ہیں آپ عدلیہ کے خلاف تحریک کےلئے باہر نکلیں قوم آپ کو نہیں چھوڑے گی۔ وکلاءبرادری اور عوامی سیاسی، سماجی حلقوں اور عوام کو ایک نا اہل شخص کی دھمکیوں پر خاموش نہیں رہنا چاہےے۔ انہوں نے کہا کہ سپریم کورٹ انصاف کا بلند ترین آئینی ادارہ ہے کسی بدعنوان خاندان کی آف شور کمپنی نہیں کہ جو دل میں آئے کرے۔ انہوں نے کہا کہ آئین کے تحفظ کا حلف اٹھانے والے وزیر اعظم نااہل نواز شریف کی دھمکیوں پر چپ کیوں ہیں؟ پارلیمنٹ اور سینیٹ آف پاکستان کو اس کا سخت نوٹس لینا چاہےے۔ انہوں نے کہا کہ عوامی تحریک کے کارکنان اسلام اور پاکستان کے سچے سپاہی ہیں۔ عظیم کارکن ظالم کے مقابلے میں مظلوم کے ساتھ ڈٹ کر کھڑے ہیں، حصول انصاف کےلئے کارکن تیار اور میرے اشارے کے منتظر ہیں۔ دریں اثناءسانحہ ماڈل سے متعلق کمیشن رپورٹ پر عوامی تحریک کی ڈیڈ عوامی تحریک کی اے پی سی، جس میں ملک کی تمام بڑی اپوزیشن جماعتیں بھی شامل تھیں، کی جانب سے شہباز شریف اور رانا ثنا اللہ کے استعفوں کیلئے دی گئی ڈیڈ لائن آج ختم ہوئی۔ طاہر القادری نے اہم رہنماو¿ں کو مشاورت کیلئے طلب کر لیا ہے۔ طاہر القادری اتحادیوں سے مشاورت کے لئے ٹیلی فونک رابطے بھی کر رہے ہیں۔ سٹیئرنگ کمیٹی کے کل ہونے والے اجلاس کی حکمت عملی پر بھی مشاورت ہو گی۔ سٹیئرنگ کمیٹی کا اجلاس کل 3بجے منہاج القرآن مرکز میں ہو گا۔ آئندہ کے لائحہ عمل کیلئے سٹیئرنگ کمیٹی کا اجلاس آج طلب کرلیا گیا۔ عوامی تحریک کے سیکرٹری جنرل خرم نواز گنڈا پور کے مطابق سٹیئرنگ کمیٹی کے آج پیر کے روز ہونے والے اجلاس میں تمام ممبران شریک ہوں گے۔ اجلاس میں احتجاج کے طریق کار اور قانونی پہلوو¿ں پر غور غور کیا جائے گا۔ انہوں نے کہا کہ آئندہ دھرنا دینا ہے۔ یا ملک بھر میں احتجاج کرنا ہے اس کا فیصلہ سٹیئرنگ کمیٹی نے کرنا ہے۔ انہوں نے کہا کہ حصول انصاف کیلئے پر امن احتجاج ہمارا آئینی و قانونی حق ہے اور آج ہونے والے اجلاس میں اسی پر غور کیا جائے گا۔
