ممبئی: (ویب ڈیسک) بالی ووڈ کنگ شاہ رخ خان کے بنگلے”منت“کے باہران کے چاہنے والوں کے 13 موبائل فونز چوری ہوگئے۔بالی ووڈ کے بادشاہ شاہ رخ خان نے گزشتہ روز اپنی 52 ویں سالگرہ منائی، اس موقع پر ان کے کروڑوں چاہنے والے ہر سال کی طرح اپنے پسندیدہ اسٹار کو سالگرہ کی مبارکباد دینے کے لیے ممبئی کے علاقے باندرا میں واقع ان کے گھر”منت “کے باہرجمع ہوئے اور چلا چلا کر شاہ رخ سے اپنی محبت کا اظہار کیا۔ شاہ رخ خان نے بھی اپنے مداحوں کو مایوس نہیں کیا اوران کی محبتوں کا بھرپور اندازمیں جواب دیا۔یہ سلسلہ ہر سال جاری رہتا ہے اور شاہ رخ کے دیوانے انہیں مبارکباد دہنے کے لئے ہرسال اسی طرح گرمجوشی کا مظاہرہ کرتے ہیں۔ تاہم اس سال کنگ خان کے مداحوں کی خوشی غم میں بدل گئی۔ بھارتی میڈیا کے مطابق ہر سال کی طرح اس سال بھی شاہ رخ کے چاہنے والے انہیں سالگرہ کی مبارکباد دینے کے لیے ان کے گھر باہر جمع ہوئے تھے اور چلا چلا کر شاہ رخ سےاپنی محبت کا اظہار کررہے تھےکہ اچانک انہیں پتہ چلا کہ ان کے موبائل فونز چوری ہوگئے ہیں۔
بھارتی میڈیا کے مطابق باندرا پولیس اسٹیشن میں کنگ خان کے گھر منت کےباہر 13 موبائل فونز چوری ہونے کی شکایت درج کی گئی ہے۔ متاثرہ شخص انکیت نے شکایت درج کرواتے ہوئے کہا ہے کہ وہ شاہ رخ خان کے بہت بڑے مداح ہیں اور چھتیس گڑھ سے انہیں سالگرہ کی مبارکباد دینے گئے تھے، وہاں رش اتنا زیادہ تھا کہ پتہ ہی نہیں چلا کب موبائل چوری ہوگیا۔واضح رہے کہ شاہ رخ خان ہر سال اپنی سالگرہ اپنے بنگلے منت میں مناتے ہیں تاہم اس بار انہوں نے اپنی 52 ویں سالگرہ اپنے علی باغ والے فارم ہاو¿س میں منائی تھی۔ لیکن اپنےچاہنے والوں کاخیال رکھتے ہوئے وہ واپس ممبئی ا?گئے اور ہر سال کی طرح اپنے چاہنے والوں کو ہاتھ ہلاکر ان کی محبتوں کا جواب دیا۔اس موقع پر ابرام بھی اپنے والد کے ہمراہ موجود تھا۔ شاہ رخ خان نے میڈیا سے بات کرتے ہوئے کہا کہ میرے مداح مجھ سے بے انتہا محبت کرتے ہیں ان کی محبت پاکراس وقت میں بہت خوش قسمت محسوس کررہا ہوں۔
