لاہور (خصوصی رپورٹ) لیبر کورٹ نے میئر لاہور کرنل (ر) مبشر جاوید کو گرفتار کرنے کا حکم دے دیا۔ لیبر کورٹ نے نوید سمیت دیگر سائلوں کی درخواستوں پر سماعت کی۔ عدالتی احکامات نہ ماننے پر لیبر کورٹ نمبر1 کے جج نے میئر لاہور کو گرفتار کرنے کے احکامات جاری کئے۔ درخواست گزار نے مو¿قف اختیار کیا کہ عدالتی حکم پر مستقل نہیں کیا جارہا۔ درخواست گزار کے وکیل طاہر خان ایڈووکیٹ نے عدالت کو بتایا کہ عدالت نے 2016ءمیں میونسپل کمیٹی کو مستقل کرنے کا حکم جاری کیا تھا۔ میئر لاہور عدالت میں پیش بھی نہیں ہورہے۔ عدالت نے میئر لاہور کرنل ریٹائرڈ مبشر جاوید کو گرفتار کرکے پیش کرنے کا حکم جاری کرتے ہوئے کیس کی سماعت ستمبر تک ملتوی کردی۔
