اسلام آباد:اسلام آباد ہائیکورٹ نے توہین عدالت کیس میں جاری ہونے والے عمران خان کے وارنٹ گرفتاری معطل کر دئیے۔الیکشن کمیشن نے توہین عدالت کیس میں چئیر مین تحریک انصاف عمران خان کے قابل ضمانت وارنٹ گرفتاری جاری کیے تھے ۔جس پر تحریک انصاف نے عدالت سے رجوع کیا ۔ تحریک انصاف کی پٹیشن پر اسلام آباد ہائیکورٹ نے اپنا فیصلہ سنا تے ہوئے عمران خان کے وارنٹ گرفتاری معطل کر دئیے۔فیصلہ جسٹس عامر فاروق کی سربراہی میں تین رکنی بینچ نے سنایا ۔ہائیکورٹ نے عمران خان کو شو کاز نوٹس کا جواب دینے کی ہدایت بھی جاری کی۔عدالت کے باہر عمران خان کے وکیل بابر اعوان نے میڈیا سے گفتگو کرتے ہوئے کہا کہ عمران خان ایک دن کے لیے بھی ملک سے باہر نہیں بھاگے،عمران خان نے غیر مشروط معافی نامہ جمع کروا دیا ہے ۔عمران خان کے خلاف مخصوص میڈیا ٹرائل ختم ہونا چاہیے۔
