اسلام آباد (نما ئندہ خصوصی) چیئرمین تحریک انصاف عمران خان نے کہا ہے کہ نواز شریف تمہیں مودی ، ڈونلڈ ٹرمپ ، قطری شہزادہ سمیت کوئی ملک نہیں بچا سکتا تمہاری جگہ صرف اڈیالہ جیل ہوگی ، نواز شریف نے ملک کے تمام ادارے تباہ کر دیئے اب سپریم کورٹ اور فوج کو تباہ کرنے کی سازش کررہا ہے لیکن ایسا کرنے کی کوشش کی تو اتنی عوام سڑکوں پر ہو گی کہ تاریخ میں نہیں اتنی عوام دیکھی ہوگی ، کارکن تیاری کریں اسلام آباد میں جشن منائیں گے یا پھر نواز شریف کو اڈیالہ پہنچائیں گے ، ن لیگ کو شرم آنی چاہیے وہ نواز شریف کی چوری پکڑی جانے پر سازش کا وایلہ کر رہے ہیں ، دنیا میں کوئی ملک بمباری سے تباہ نہیں ہو سکتا لیکن اداروں کی تباہی ملک کو برباد کر دیتی ہے ، جے آئی ٹی نے 60دنوں میں اتنے ثبوت نکال دیئے ہیں کہ کوئی شک نہیں رہا وہ ورکرز کنونشن سے سے خطاب کر رہے تھے ۔ انہوں نے کہا کہ آپ کی سب سے بڑی اچیومنٹ دھرنے سے اب تک لوگوں میں شعور پیدا کیا لوگ پہلے نواز کی شکل دیکھ کر معصوم سمجھتے تھے لیکن دھرنے میں بہت سے چیزیں سامنے آئیں ہیں اور عوام جاگ گئی ہے انہوں نے کہا کہ میں 21سال پہلے کہہ رہا تھا کہ میرا مقابلہ سیاسی مافیا کے خلاف تھا کیونکہ انہوں نے ملک کو تباہ کر نے میں کو ئی کسر نہیں چھوڑی ،آ ج ن لیگ کے لوگوں سے کیا سن رہا ہوں کہ ان کے خلاف سازش ہو رہی ہے مگر یہ سازش کس کو کہہ رہے ہیں جے آئی ٹی نے 60دنوں میں اتنے ثبوت نکال دیئے ہیں کہ کوئی شک نہیں رہاکہ اب یہ چور ہیں کہ نہیں ہیں ، انہوں نے ورکرز کو چار چیزیں بتاتے ہوئے کہا کہ پہلی چیز پنامہ میں پتہ چلا مریم بینفیشل آنر ہیں اور وہ جے آئی ٹی رپورٹ میں ثابت ہو گیا کہ وہ محلات کی مالکہ ہیں ، دوسری چیز نواز ایک کمپنی کا مالک اور دس ہزار درہم تنخوا ہ لیتا تھا تیسری چیز گلف سٹیل مل تھی انہوں نے قطر میں پیسہ بھیج کر جائیداد خریدیں ، قطر ی فراڈ نکلا ، چوتھی چیز میں کیلبری فونٹ والی مریم اور حسین کی ٹرسٹ ڈیل بھی فراد ہو گئی ہے اور است ن لیگ سازش کہہ رہی ہے حالانکہ ن لیگ کو اس کا جواب دینا چاہیے ۔ انہوں نے کہا کہ ن لیگ سازش اس لئے کہہ رہی ہے کیونکہ 30سالوں سے کوئی بھی کیس انہوں نے فوری طور پر حل کر لیا اور فوری طور پر ججز کو پیسے کھلا دیے لیکن اب کسی نے پیسے نہیں کھائے تو سازش ہو گئی ہے ، ایس ای سی پی کا چیئرمین شریف خاندان کے منی لانڈرنگ کیس کو دبانے کی کوشش کر تا ہے جو ان کی چوری چھپاتا ، قانون توڑتا ہے تو وہ ٹھیک ہے اور جو ان کے خلاف کھڑا ہوتا ہے وہ سازش کر رہا ہے ۔ انہوں نے کہا کہ ن لیگ اپنے لیئے ملک کو برباد کر رہی ہے ۔ جے آئی ٹی کے چھ اراکین نے جو بڑا کام کیا ہے تاریخ میں کبھی نہیں ہو ا لیکن ن لیگ اس کو بھی سازش کہہ رہی ہے ۔ انہوں نے کہا کہ شریف خاندان کی چوری پکڑ ی جانے پر ن لیگ سازش کہہ رہی ہے تو شرم کرنی چاہیے ، ملک کبھی بمباری سے تباہ نہیں ہوتے بلکہ ملک کے اداروں کو تباہ کر نے سے ملک برباد ہو جاتے ہیں میں آج چیلنج سے کہتا ہوں کہ یہ غدار ہیں انہوں نے قانون بنایا کہ منی لانڈرنگ کر سکیں ، کیونکہ یہ اپنے بچوں کو بیرون ملک میں بٹھا کر پاکستان سے لوٹ مار کر یں انہوں نے کہا کہ انہوں نے کرپشن کرنے کے لئے ، ییلو کیب سکیم ، اورنج ٹرین اور میٹرو سمیت دیگر پراجیکٹ شروع کیے اور اپنے بچوں کو بھیج دیتے ہیں انہوں نے کہا کہ ان سے پوچھا جائے تو حیران کن جوا ب دیتے ہیں پیسہ کہاں سے لیا باپ بتائے گا بیٹوں نے کمایا تو بیٹوں سے پوچھو کس لئے تو بتائیں گے داد سے اور دادا کہاں ہے زمین کے نیچے ہے انہوں نے سپریم کورٹ اور پاکستانی فوج پر اٹیک کرنا ہے تیار رہنا، ایس ای سی پی تباہ ، ایف بی آر شریف خاندان کے لئے کام کر رہی تھی ،ایف آئی اے ان کے خلاف اصغر خان کیس میں نواز کے خلاف کارروائی نہیں کر رہی ، نیب کا چیئرمین نے ان کو بری کرنے کی کوشش میں ہے ، انہوں نے کہا کہ ہماری اسمبلی بھی کھلونا بنی ہوئی ہے اور پنامہ پر اسمبلی پہلے ٹی آر ز پر کھیلتی رہتی ہے اور سنیئر سیاستدان قوم کے ساتھ کھڑا ہونے کی بجائے اسمبلی میں کہتا ہے کہ میاں صاحب پنامہ کو قوم بھول جائے گی انہوں نے سپیکر کو بھی متعصب قرار دیتے ہوئے کہا کہ ، سپیکر نواز کا کیس الیکشن کمیشن میں بھجوانے کی بجائے عمران کا کیس بجھوا دیا جس کا کچھ بھی معاملہ نہیں تھا اور آج تک وہ معاملہ چل رہا ہے عمران خان کا کہنا تھا کہ نواز شریف کیا چیز رہ گئی ہے سپریم کورٹ اور فوج کے سوا تمام ادارے تبا ہ کر چکے ہو تو نواز کان کھول کر سن لو کہہ اگر تم سپریم کورٹ اور فوج کو تباہ کر نا چاہتے ہو اپنی چوری بچانے کے لئے تو نواز شریف کسی قسم کی غلط فہمی میں نہ رہنا میرا چیلنج ہے کہ میں اتنی پبلک سڑکوں پر لے آنگا کہہ تاریخ میں کوئی ایسا نہیں ہو ا گا اب نواز شریف جدہ نہیں اڈیالہ جائیں گے ۔انہوں نے کارکنوں کو ہدایت کر تے ہوئے کہا کہ تیاری کر لیں کہ خوشیاں منائیں گے اسلام آبا د میں یا پھر مافیا کو اڈیالہ جیل چھوڑ کر آئیں گے۔
