اسلام آباد (خصوصی رپورٹ) پیپلزپارٹی کی بڑی شخصیات کا تحریک انصاف میں شمولیت کا سلسلہ جاری ہے۔ پنجاب میں پیپلزپارٹی کو تحریک انصاف کے ہاتھوں وکٹیں گرنے کا ایک نہ ختم ہونے والے سلسلے کا سامنا ہے۔ فردوس عاشق اعوان‘ امتیاز صفدر وڑائچ اور بابر اعوان پہلے یہ تحریک انصاف میں شامل ہوچکے ہیں تاہم اب انکشاف ہوا ہے کہ پیپلزپارٹی کے مرکزی اور نظریاتی رہنما اعتزاز احسن بھی پی ٹی آئی میں شمولیت کے لئے پر تول رہے ہیں۔ ذرائع کا کہنا ہے کہ اعتزاز کئی فورمز پر تحریک انصاف کے لئے نرم گوشہ رکھنے کا عندیہ دے چکے ہیں۔ اس لئے امکان ظاہر کیا جارہا ہے کہ آنے والے دنوں میں وہ تحریک انصاف میں شمولیت کا اعلان کرسکتے ہیں۔
