لاہور(خصوصی رپورٹ) پاکستان ریلوے کے لاہور ڈویژن میں مبینہ طور پر درجہ چہارم کی بھرتیوں میں بے ضابطگیوں کی شکایت اور امیدواروں کے احتجاج کے بعد ڈائریکٹر و یجیلنس نے اچانک چھاپہ مار کر ریکارڈ اپنے قبضے میں لے لیا اور معاملہ کی چھان بین شروع کر دی ہے۔ ذرائع کے مطابق پاکستان ریلوے لاہور ڈویژنل آفس میں 29تا30 مارچ کو ریلوے برٹ بال گراﺅنڈ میں کلاس فور کی اسامیوں ”گیٹ مین اور گیٹ کیپر“ کی بھرتی کے لئے امیدواروں کے ٹیسٹ انٹرویو ہوئے جس میں بے شمار اہل امیدواروں کو ریلوے کے متعلقہ علاقوں سے آئے امیدواروں نے احتجاج کرتے ہوئے ریلوے حکام سے اس کا نوٹس لینے کی اپیل کی۔ اس حوالے سے رابطہ کرنے پر ڈی پی او لاہور ڈویژن سروش اعجاز خان نے بتایا کہ کلاس فور کی بھرتیوں کے لئے تمام ضابطیوں اور قانون کو مد نظر رکھ کر میرٹ کے مطابق بھرتیاں کی جا رہی تھی تمام امیدواروں کو کال لیٹر جاری کرنے سمیت انہیں انکے موبائل پر میسج کے ذریعے بھی ٹیسٹ اور انٹرویو کی اطلاع دی گئی تھی۔ جن امیدواروں کے ٹیسٹ نہیں ہوئے اور ان کے کاغذات مکمل نہیں تھے۔ جبکہ دوسری جانب ڈائریکٹرو یجیلنس طارق لطیف کا کہنا ہے کہ بھرتیوں سے متعلق شکایات تھی کہ ان میں بے ضابطگیاں کی جا رہی ہیں میرٹ کے پرعکس لوگوں کو بھرتی کیا جا رہا اور بہت سے امیدواروں کو کاغذات مکمل ہونے کے باوجود کال لیٹر جاری نہیں ہوا۔
