خانیوال (ویب ڈیسک)صوبہ پنجاب کے شہر خانیوال کے قریب ایم 4 موٹر وے پر مسافر بس اور ٹرالر میں ٹکر کے نتیجے میں 11 افراد جاں بحق اور 28 زخمی ہوگئے۔ریسکیو ذرائع کے مطابق مسافر بس لاہور سے راجن پور جارہی تھی کہ ایم 4 موٹروے کے قریب دھند کے باعث ٹرالر سے ٹکرا کر الٹ گئی۔حادثے میں جاں بحق اور زخمی ہونے والوں کو نشتر اسپتال ملتان منتقل کردیا گیا۔واضح رہے کہ کمالیہ، میاں چنوں اور جہانیاں سمیت پنجاب کے مختلف شہروں میں دھند کے باعث شہریوں کو مشکلات کا سامنا ہے اور ٹریفک کی روانی بھی متاثر ہورہی ہے۔اس حوالے سے ترجمان موٹروے کی جانب سے شہریوں کو غیر ضروری سفر نہ کرنے کی ہدایت کی گئی ہے۔