ویلنگٹن(ویب ڈیسک )پاکستان اور نیوزی لینڈ کے مابین کھیلے گئے پہلے ون ڈے میں کیویز نے پاکستان کو ڈک ورتھ لوئس میتھڈ کے تحت 61 رنز سے شکست دے دی۔میچ کے آغاز پر پاکستان نے ٹاس جیت کر نیوزی لینڈ کو پہلے بیٹنگ کی دعوت دی تھی، جس پر کیویز نے پاکستان کو 316 رنز کا ہدف دیا تھا، جس کے جواب میں گرین شرٹس کی بیٹنگ لائن مشکلات کا شکار نظر آئی اور کیویز بولرز کے سامنے پاکستانی بلے بازوں کے ہاتھ پاو¿ں پھول گئے۔پاکستان کی ٹیم 6 وکٹوں کے نقصان پر صرف 166 رنز ہی بنا پائی تھی کہ بارش کے باعث میچ روک دیا گیا۔ڈک ورتھ لوئس میتھڈ کی ر±و سے نیوزی لینڈ، پاکستان سے آگے تھا اور بارش کے باعث مقررہ وقت پر میچ شروع نہ ہونے کی وجہ سے نیوزی لینڈ کو فاتح قرار دے دیا گیا۔نیوزی لینڈ نے دھواں دار بیٹنگ کرتے ہوئے 7 وکٹوں کے نقصان پر 315 رنز بنائے اور پاکستان کو جیت کے لیے 316 رنز کا ہدف دیا تھا۔کیوی اوپنرز کے سامنے پاکستانی بولرز ناکام نظر آئے، کولن منرو نے 5 چوکے اور 2 چھکے لگا کر 58 رنز بنائے، مارٹن گپٹل نے 48 رنز جوڑے، مارک نکولس نے بھی نصف سنچری بنائی جبکہ نیوزی لینڈ کے کپتان کین ولیم سن نے شاندار 115 رنز بنائے۔ پاکستان کی جانب سے حسن علی نے 3 جبکہ عامر، فخر زمان ،رومان رئیس اور فہیم اشرف نے نیوزی لینڈ کے ایک ایک کھلاڑی کو آو¿ٹ کیا۔بعدازاں پاکستان نے بیٹنگ کا آغاز کیا اور صرف 6 رنز پر ٹم ساو¿تھی نے اظہر علی کو آو¿ٹ کردیا۔7 رنز کے مجموعی اسکور پر ٹم ساو¿تھی نے بابر اعظم کو بھی پویلین کی راہ دکھائی جبکہ ٹرینٹ بولٹ نے محمد حفیظ کو آو¿ٹ کیا۔پاکستان کی چوتھی وکٹ 37 رنز پر گری جب شعیب ملک صرف 13 رنز بنا کر پویلین لوٹ گئے۔نیوزی لینڈ کے خلاف پاکستان کی پانچویں وکٹ 57 رنز پر گری، جب کپتان سرفراز احمد 8 رنز بناکر آو¿ٹ ہوگئے۔132 رنز کے مجموعی اسکور پر پاکستان کے شاداب خان پویلین لوٹ گئے، انہوں نے 28 رنز بنائے۔166 رنز کے مجموعی اسکور پر پاکستان کے 6 کھلاڑی آو¿ٹ ہوچکے تھے کہ اچانک بارش کی وجہ سے میچ روکنا پڑا، جس کے بعد ڈک ورتھ لوئس میتھڈ کے تحت نیوزی لینڈ کی فتح کا اعلان کردیا گیا۔
