لاہور (ویب ڈیسک )خود کو سیکولر کہنے والے بھارت کی اصلیت کھل کر سامنے آگئی جہاں کسی کو اظہار خیال کا بالکل بھی حق نہیں ہے کیونکہ ایک نوجوان لڑکی کو جہاز میں حکومت مخالف نعرے لگانے پر بھارتی حکومت نے پندہ روز کیلئے جیل میں ڈال دیاہے جس پر پاکستانی معروف اور سینئر صحافی نے مودی حکومت کو آئینہ دکھا دیاہے۔تفصیلات کے مطابق بھارتی 28 سالہ لڑکی جو کہ کینڈا میں تعلیم حاصل کر رہی ہے ، اس نے جہاز میں تامل ناڈو کے بی جے پی کے صدر تامیلیسائی کی موجودگی میں ” فاشسٹ گورنمنٹ ، ڈاون ، ڈاون “ کا نعرہ لگانا مہنگا پڑ گیا اور بی جے پی کے صدر کی شکایت پر اسے گرفتار کر لیا گیاہے اور پندرہ روز کی جوڈیشل ریمانڈ پر بھیج دیا گیاہے ۔جس پر حامد میر نے ٹویٹ کرتے ہوئے کہا کہ ”میرا آمر تمہارے منتخب وزیراعظم سے بہتر ہے ، میں یہ بہت مرتبہ لکھا اور پرویز مشرف کو آزاد خیال فاشسٹ قرار دیا اور اس نے میرے ٹی وی پر آنے پر پابندی لگا دی لیکن اس نے مجھے کبھی گرفتار نہیں کیا ، بھارت میں جمہوری حکومت نے طالبہ کو صرف اس لیے گرفتار کر لیا کیونکہ اس نے مودی کو فاشسٹ قرار دیا تھا۔“
