اسلام آباد: اسلام آباد ہائی کورٹ کے ججز کی جانب سے خط کے معاملے پر چیف جسٹس کی زیر صدارت فل کورٹ آج بھی اجلاس جاری ہے۔
ایکسپریس نیوز کے مطابق اسلام آباد ہائی کورٹ کے ججز کی جانب سے خفیہ ادارے کی مداخلت پر خط لکھنے پر چیف جسٹس قاضی فائز عیسی کی زیر صدارت فل کورٹ اجلاس آج بھی جاری ہے۔ فل کورٹ اجلاس میں سپریم کورٹ کے تمام ججز شریک ہیں۔
اجلاس سے قبل وزیراعظم اور چیف جسٹس کے درمیان ملاقات ہوئی، اجلاس میں چیف جسٹس پاکستان اس ملاقات کے حوالے سے ججز سے مشاورت کریں گے۔
واضح رہے کہ ایک روز قبل بھی اس حوالے سے فل کورٹ اجلاس منعقد ہوا تھا جس میں سپریم کورٹ کے تمام ججز شریک ہوئے اور اسلام آباد ہائیکورٹ کے ججز کے خط اور اس کے بعد پیدا شدہ صورت حال کی آئینی و قانونی حیثیت پر غور کیا گیا۔
دریں اثنا اسلام آباد ہائی کورٹ کے 6 ججز کے خط کے معاملے پر پاکستان بار کونسل نے بھی 5 اپریل کو ایگزیکٹو کمیٹی کا اہم اجلاس طلب کرلیا ہے جس میں پاکستان بار کونسل موجودہ صورتحال پر آئندہ کے لائحہ عمل کا فیصلہ کرے گی۔
Please wait while you are redirected...or Click Here if you do not want to wait.
