کراچی: (ویب ڈیسک) سٹیٹ بینک نے مئی کی ترسیلات زر کی تفصیلات جاری کردیں۔ سٹیٹ بینک آف پاکستان کی جانب سے مئی کی ترسیلات زر کی تفصیلات کے مطابق ورکرز ترسیلات کا حجم مئی 2023 میں 2.10 ارب ڈالر رہا، مئی میں ترسیلات اپریل کے مقابلے 4 فیصد کم رہیں، مئی کی ترسیلات گزشتہ برس مئی سے 12.8 فیصد کم رہیں۔ سٹیٹ بینک کے مطابق رواں مالی سال کے 11ماہ میں ورکرز ترسیلات زر 24.83 ارب ڈالر رہیں، 11ماہ کی ترسیلات پچھلےمالی سال کے 11 ماہ کے مقابلے میں 3.65 ارب ڈالر کم ہیں۔ بینک دولتِ پاکستان کے مطابق سعودی عرب میں مقیم پاکستانیوں نے رواں مالی سال سب سے زیادہ 5.92 ارب ڈالر پاکستان بھیجے جبکہ متحدہ عرب امارات سے 4.32 ارب ڈالر پاکستان بھیجے گئے۔
