کراچی: (ویب ڈیسک) پاکستانی کرنسی کے مقابلے میں امریکی ڈالر مزید مہنگا ہو گیا۔
ماہرین کے مطابق ترسیلات زر میں کمی، سیاسی افق پر غیریقینی فضاء اور معیشت کو درپیش چیلنجز کی وجہ سے ڈالر کے اوپن ریٹ میں اضافہ ہوا۔
جمعرات کے روز انٹر بینک مارکیٹ میں امریکی ڈالر 229 روپے 15 پیسے پر بند ہوا جوکہ گزشتہ روز 228 روپے 91 پیسے تھا۔
دوسری جانب اوپن مارکیٹ میں ڈالر کی قدر میں 50 پیسے کا اضافہ ہوا ہے جس کے بعد اوپن مارکیٹ میں ڈالر 239.50 روپےکا ہو گیا ہے۔
