تازہ تر ین

عمران خان پاکستان کو ڈیفالٹ کرنے کی مہم چلا رہا ہے: رانا ثناء اللہ

 لندن: (ویب ڈیسک) وفاقی وزیر داخلہ اور مسلم لیگ ( ن ) کے رہنماء رانا ثناء اللہ نے کہا ہے کہ عمران خان پاکستان کو ڈیفالٹ کرنے کی مہم چلا رہا ہے، عمران خان کی گرفتاری ہونی چاہیے۔ وفاقی وزیر داخلہ رانا ثناء اللہ نے لندن پہنچنے پر میڈیا سے گفتگو کرتے ہوئے کہا کہ پاکستان کی سیاسی صورتحال اہم ہے، نواز شریف نے مشاورت کیلئے مجھے لندن طلب کیا ہے، ن لیگ کا صدر ہوں، استعفیٰ طلب کیا تو نواز شریف کو دے دوں گا۔ رانا ثناء اللہ نے کہا کہ عمران خان کا پارلیمنٹ آنے کا مقصد گند کرنا ہے، اس کی سیاست کا مقصد سیاسی عدم استحکام پیدا کرنا ہے، جس طرح اس نے چوری کی ہے اس پر اسکی گرفتاری ہونی چاہیے۔ ن لیگی رہنما نے کہا کہ مریم نواز کی قیادت میں کام کرنے کیلئے تیار ہوں، انکی وطن واپسی کا فیصلہ ہو چکا ہے جس کے بعد نوازشریف آئیں گے، نواز شریف کا وطن واپسی پر استقبال فقید المثال ہوگا۔ انہوں نے مزید کہا کہ قومی اسمبلی اپنی مدت پوری کرے گی، پنجاب کا اگلا وزیر اعلیٰ مسلم لیگ ( ن ) سے ہوگا، صحافی شاہد اسلم کو گرفتاری کے بعد سہولتیں دی گئی ہیں۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv