کراچی: (ویب ڈیسک) لوریل پاکستان نے(ایل پی آئی پی)کے قیام کے ساتھ پاکستان میں خواتین کیلئے مواقع پیدا کرنے کے اپنے عزم کا آغازکر دیا ہے۔2023 میں شروع ہونے والے اس پروگرام کا مقصدسیکھنے والے نئے خواشمندوں کے ساتھ موجودہ ہیئر ڈریسرز کو ارزاں قیمت پر سند یافتہ تربیت فراہم کرنا ہے۔اس پروگرام کا پس پردہ وژن پاکستان میں ہیئر ڈریسرز کمیونٹی کی صلاحیتوں کی نشاندہی کرنا اور انہیں قابل بناناہے۔
Professionnel Institute of Pakistan L’Oréalکو امید ہے کہ اس اقدام کے ذریعہ ہیئر ڈریسنگ کے شعبہ میں اپنے کیریئر کے آغاز کی خواہش رکھنے والی پرجوش خواتین کو راغب کرنے میں مدد ملے گی۔ایل پی آئی پی کا مقصد خواتین پر مبنی این جی اوز اور اداروں کے ساتھ شراکت داری کرنا ہے،تاکہ ایسی پسماندہ خواتین کی نشاندہی کی جاسکے،جن کے پا س کام کرنے کا جذبہ ہے،لیکن وسائل اور سمت کی کمی ہے۔ہم ایل پی آئی پی کو ایک پلیٹ فارم کے طور پر استعمال کرنے کی خواہش رکھتے ہیں،جہاں ہم اس بڑی رکاوٹ کو دور کرنے میں ان کی مدد کرسکیں،انہیں مفت پیشہ وارانہ ہیئر ڈریسنگ کی تعلیم فراہم کریں،جس سے انہیں مالی آذادی کے سفر کے آغاز میں مدد مل سکے۔
L’Oréal Pakistanپاکستان میں خواتین کی معاشی نقل و حرکت اور مالی آذادی کی اہمیت پت پختہ یقین رکھتا ہے،اور اس کی حمات کرتا ہے،اور ایسے وسیع مواقع فراہم کرنے کی کوشش کرتا ہے،جو ان کی کامیابی کی راہ ہموار کرنے میں معاون ثابت ہوں۔
انسٹی ٹیوٹ کے حوالے سے تبصرہ کرتے ہوئے L’Oréal Pakistan کے کنٹری منیجنگ ڈائریکٹر قوی نصیر نے کہا کہ ”مساوی مواقع فراہم کرنا L’Oréalکے ڈی این اے میں شامل ہے۔ہم سمجھتے ہیں کہ خواتین کو صحیح تعلیم،تربیت اور مواقعوں تک رسائی فراہم کرنا انتہائی ضروری ہے،تاکہ وہ معیشت میں فعال کردار ادا کرسکیں اور ایک ایسی پائیدار دنیا کی جانب بڑھا جاسکے جو مساوی،متنوع اور جامع ہو۔ایل پی آئی پی کے آغاز کے ذریعہ ہم خواتین کو ان کے عزائم کو آگے بڑھانیاور مالی طور پر خودمختاری کے حصول کیلئے صحیح پلیٹ فارم کی فراہمی کے عمل کو جاری رکھنا چاہتے ہیں۔“
L’Oréalمیں ہم یقین رکھتے ہیں کہ خواتین کی حمایت کرنا نہ صرف ایک صحیح عمل ہے بلکہ یہ ایک پائیدار،منصفانہ اور جامع مستقبل کی جانب رستہ کو بھی یقینی بناتا ہے۔ایل پی آئی پی چھ ماہ پر محیط کورس کرائیگا،جس میں ہیئر ڈریسنگ کا احاطہ کیا گیا ہے،اور انٹرن شپ کے ذریعہ عملی تربیت کے ساتھ ساتھ کاروباری ذہانت کو بھی فروغ دیا جائیگا۔L’Oréal Pakistanہر بیج کے 50فیصد طلباء کو اسکالر شپ فراہم کرے گااور L’Oréal Pakistanایسے طلباء کی مکمل مالی معاونت کرے گی۔اس کے علاوہ L’Oréalتمام کامیاب گریجوئٹس کیلئے ملازمتوں کی فراہمی کیلئے سیلون ایکسپرٹ سیلونز کے ذریعہ مواقع بھی فراہم کرے گی۔
