مقبوضہ یروشلم: (ویب ڈیسک) غاصب اسرائیلی فورسز نے جنان شہر میں چھاپہ مار کارروائی کے دوران دو فلسطینیوں کو شہید کردیا۔
عرب میڈیا کے مطابق اسرائیلی فورسز نے فلسطین کے مقبوضہ مغربی کنارے کے شہر جنان کے گاؤں میں چھاپہ مار کارروائی کی اور اس دوران دو فلسطینی جوانوں کو فائرنگ کرکے شہید کردیا۔
فلسطین کے محکمہ صحت کا کہنا ہے کہ شہید ہونے والے جوانوں کی شناخت 22 سالہ محمد سمیر جب کہ دوسرے شخص کی شناخت 25 سالہ محمد عابد کے نام سے ہوئی ہے۔
محکمہ صحت کا کہنا ہے کہ صیہونی فورسز کی چھاپہ مار کارروائی کے دوران کم از کم تین مزید افراد زخمی ہوئے جن میں سے ایک کی حالت تشویشناک ہے۔
