اسلام آباد: (ویب ڈیسک) وزیراعظم شہباز شریف سے اسلامی تعاون تنظیم (او آئی سی) کے سیکرٹری جنرل حسین ابراہیم طحہٰ نے ملاقات کی اور مسئلہ کشمیر کے حل کے لیے مکمل حمایت کا اعادہ کیا۔
اس موقع پر وزیراعظم کا کہنا تھا کہ مسئلہ کشمیرکے حل اور کشمیریوں کے حق خود ارادیت کے لیے او آئی سی کے اصولی مؤقف اور مسلسل حمایت کو سراہتے ہیں۔
وزیراعظم نے سیکرٹری جنرل او آئی سی کے آزاد کشمیر اور ایل او سی کے تاریخی دورے کو سراہتے ہوئےکہا کہ اس سےکشمیریوں کی حق خودارادیت کی منصفانہ جدوجہد کے لیے مضبوط پیغام جائےگا۔
وزیراعظم شہباز شریف نےفلسطینی عوام اور فلسطینی کاز کے لیے پاکستان کی غیر متزلزل حمایت کی بھی تجدید کی، انہوں نے اسلامو فوبیا کی مہم کے تیز ہونے پر تشویش کا بھی اظہار کیا۔
