تازہ تر ین

ایپل کا پہلا مکمل طور پر فعال کمپیوٹر نیلامی کیلئے پیش کر دیا گیا

لاہور: (ویب ڈیسک) ایپل کا سب سے پہلا مکمل طور پر فعال ایپل 1 کمپیوٹر نیلامی کے لئے پیش کر دیا گیا۔
میڈیا رپورٹ کے مطابق اس مشین، جس پر ایپل کے بانی اسٹیو جابز نے اپنے ہاتھوں سے نمبر ڈالے تھے، کے ساتھ وہ تمام چیزیں آئیں گی جو اس مشین کو چلانے کے لئے ضروری ہیں۔
فی الحال کمپیوٹر کی نیلامی کی بولی 2 لاکھ 41 ہزار 557 ڈالرز ہے جو 15 دسمبر تک جاری رہے گی لیکن ایک اندازے کے مطابق اس کی حتمی بولی 3 لاکھ 75 ہزار ڈالرز تک جائے گی۔
1976 میں متعارف کروایا جانے والا ایپل 1 اس ٹیک کمپنی کی سب سے پہلی شے تھی جو ایک اسمبلڈ سرکٹ بورڈ کے طور پر بیچی گئی تھی اس میں بنیادی چیزیں جیسے کہ کی بورڈ یا مانیٹر نہیں تھا لیکن دیگر ایپل 1 کمپیوٹرز کے برعکس اس یونٹ کے فزیکل بورڈ میں کسی قسم کی کوئی تبدیلی نہیں کی گئی ہے اور اس کا نمونہ صاف اور بغیر کسی استعمال شدہ ہے۔
بوسٹن کے آکشن ہاؤس کے مطابق ایک تفصیلی ٹیسٹ میں اس سسٹم کو تقریباً آٹھ گھنٹے تک چلایا گیا جس میں کوئی خرابی سامنے نہیں آئی۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv