گجرات: (ویب ڈیسک) شاہ محمود قریشی کا دعویٰ ہے کہ برطانوی اخبارڈیلی میل کے 80صفحات کے جواب میں صفحہ نمبر7 اور 8 میں رقم کی منتقلی کی ٹرانزیکشن کا ذکر ہے۔
شاہ محمود قریشی نے مزید کہا کہ برطانوی عدالت نے ہتک عزت کیس میں شہباز شریف کو 13دسمبر تک جواب جمع کرانے کی مہلت دی ہے۔
گجرات میں پریس کانفرنس سے خطاب میں پی ٹی آئی رہنما شاہ محمود قریشی کاکہناتھا کہ ہتک عزت کیس میں برطانوی عدالت نے شہبازشریف کی حکم امتناعی کی درخواست کو مسترد کر دیاہے، عدالت نے کہا ہے کہ آپ جو تاخیری حربے استعمال کررہے ہیں وہ قابل قبول نہیں،برطانوی عدالت نے کہاہے کہ یہاں قانون کی نظرمیں سب برابرہیں۔
شاہ محمود کے مطابق عدالت نے کہاہے کہ آپ وزیراعظم ہیں، مصروف ہونگے لیکن قانون کوئی رعایت نہیں برتے گا، عدالت نے 13دسمبرتک جواب داخل کرانے کاکہاہے، ڈیلی میل نے اس کیس میں 80صفحات کاجواب داخل کرادیاہے ، 80صفحات کے جواب میں صفحہ نمبر7اور8میں رقم کی منتقلی کی ٹرانزیکشن کا بھی ذکرہے، عدالت نے کہاہے کہ 13دسمبر تک جواب نہ آیا تو ان لیس آرڈر کے تحت آگے بڑھیں گے اورفیصلہ دے دیں گے۔
