خان صاحب! احتجاج تو کب کا ختم ہو چکا، آپ کس کو کہہ رہے ہیں احتجاج ختم کردو؟ رانا ثنا اللہ

اسلام آباد: (ویب ڈیسک) وفاقی وزیر داخلہ رانا ثنا اللہ نے دعویٰ کیا ہے کہ کسی بھی شہر میں 30/40 سے زیادہ افراد باہر نہیں نکلے جب کہ الیکشن کمیشن کا فیصلہ آنے کے بعد میڈیا اور سوشل میڈیا پر کال دی گئی۔
انہوں نے چیئرمین پاکستان تحریک انصاف عمران خان کے بیان پر ردعمل میں کہا کہ پی ٹی آئی گزشتہ رات سے احتجاج کیلئے عوام کو باہرلانے کیلئے ایڑی چوٹی کا زور لگا رہی تھی۔
پاکستان مسلم لیگ کے مرکزی رہنما اور وفاقی وزیر رانا ثنااللہ نے براہ راست مخاطب کرتے ہوئے استسار کیا کہ خان صاحب! احتجاج تو کب کا ختم ہو چکا، آپ کس کو کہہ رہے ہیں کہ احتجاج ختم کردو؟
وفاقی وزیر داخلہ رانا اللہ نے کہا کہ آپ کا لانگ مارچ جہاد نہیں، ایک چور کا چوری کی سزا سے بچنے کا واویلا ہو گا، خان صاحب! الیکشن کمیشن کے فیصلے کے بعدعوام آپ کی چوری میں آپ کا ساتھ نہیں دیں گے۔