ممبئی: (ویب ڈیسک) دنیا بھر میں بگ بی کے نام سے مشہور بالی ووڈ کے لیجنڈری سُپر اسٹار اامیتابھ بچن 80 برس کے ہوگئے۔
امیتابھ بچن کی سالگرہ کے موقع پر ان کی اہلیہ جیا بچن اور بیٹے ابھیشیک بچن بھی شو’ کون بنے گا کروڑ پتی‘ میں شریک ہوئے۔
شو کے پرومو کی ایک کلپ سوشل میڈیا پر وائرل ہو رہی ہے جس میں امیتابھ بچن کی اہلیہ ان سے دلچسپ انداز میں شکوہ کرتی ہوئی دکھائی دے رہی ہیں۔
جیا بچن اپنے شوہر سے شکوے بھرے انداز میں کہتی ہیں کہ انہوں نے کبھی دیکھا تو نہیں ہے لیکن سنا ہے کہ جب آپ کسی کے کام یا رویے سے متاثر ہوتے ہیں تو انہیں اپنے ہاتھ سے خط لکھ کر یا پھول بھیجتے ہیں، ویسے آج تک مجھے کبھی نہیں بھیجی۔
اس پر امیتابھ نے مذاحیہ انداز میں کہا کہ ’یہ پروگرام بہت ذاتی ہورہا ہے یہ غلط ہے’، ابھیشیک نے والد کی بات پر فوری رد عمل دیتے ہوئے کہا کہ ‘نہیں نہیں بالکل نہیں، آپ آگے دیکھیں کیا کیا ہوتا ہے‘۔
بالی ووڈ نگری پر دہائیوں تک راج کرنے والے امیتابھ بچن 11 اکتوبر 1942 کو الٰہ آباد میں پیدا ہوئے امیتابھ بھارتی فلم انڈسٹری کی تاریخ کے مشہور ترین اسٹار ہیں انہوں نے 1969 میں فلم ’سات ہندوستانی‘ کے زریعے بڑے پردے پر اپنا ڈیبیو دیا وہ اس سے قبل تھیٹر میں پرفارم کیا کرتے تھے۔
