دبئی: (ویب ڈیسک) پاکستان کرکٹ ٹیم کے سابق کپتان اور موجودہ بیٹنگ کوچ محمد یوسف نے کہا ہے کہ کوشش ہوتی ہے کھلاڑیوں کی سنوں اور جہاں ممکن ہو ہلکی پھلکی ٹیوننگ کریں گے۔
آئی سی سی اکیڈمی میں پاکستان کرکٹ ٹیم کے بیٹنگ کوچ محمد یوسف نے میڈیا سے گفتگو کرتے ہوئے کہا کہ ٹیم کا دبئی میں پہلا ٹریننگ سیشن بہت زبردست رہا، سخت گرمی کے باوجود لڑکوں نے جان لگا کر پریکٹس کی ہے، کھلاڑی پرجوش ہیں، ٹورنامنٹ کو سامنے رکھ کر پریکٹس سیشنز پلانز کر رہے ہیں۔
انہوں نے مزید کہا کہ بابر اعظم بڑے کھلاڑی ہیں، گزشتہ تین سالوں سے ان کی کارکردگی میں بھی تسلسل واضح ہے، وہ کپتانی کے ساتھ ساتھ تینوں فارمیٹ میں بہترین کارکردگی کا مظاہرہ کر رہے ہیں، وہ کھلاڑیوں کے ساتھ بھرپور تعاون کرتے ہیں، ہم کھلاڑیوں کو سپورٹ کرنے آئے ہیں۔
