نئی دہلی: (ویب ڈیسک) بھارتی حکومت کی ایما پر دلی پولیس نے پیغمبرِ اسلام ﷺسے متعلق متنازع بیان کو منظرعام پر لانے والے صحافی محمد زبیر کو توہین مذہب اور اشتعال انگیزی کے الزام میں گرفتار کر لیا۔
دلی پولیس کا کہنا ہے کہ محمد زبیر پر مذہبی جذبات مجروح کرنے کا الزام ہے، محمد زبیر کی جانب سے گذشتہ دنوں بھارتیہ جنتا پارٹی کی سابق ترجمان نوپو شرما کی جانب سے ایک ٹی وی پروگرام میں پیغمبر اسلام ﷺ کے بارے میں نازیبا بیانات کو منظر عام پر لایا گیا تھا۔
صحافی پرتیک سنہا نے ٹویٹر پر بتایا کہ محمد زبیر کو دو سال پرانے کیس میں بلایا گیا تھا اور فوری طور پر نیا کیس بنا کر انہیں گرفتار کیا گیا۔
کانگریس رہنما ششی تھرور نے محمد زبیر کی گرفتاری کو سچ پر حملہ قرار دیا ہے۔
