لاہور: (ویب ڈیسک) پاکستانی شائقین اب فٹبال کے سب سے زیادہ پسندیدہ انعام،کوکا کولا کی جانب سے پانچویں فیفا ورلڈ کپ ٹرافی ٹور کا تجربہ کرسکیں گے۔یہ ٹرافی 7جون2022کو لاہور پہنچے گی اور یہ شائقین کےلئے فٹبال کے سب سے زیادہ پسندیدہ انعام کو قریب سے دیکھنے کا ایک غیر معمولی موقع ہوگا،جس سے فٹبال کے سب سے بڑے ایونٹ ،فیفا ورلڈ کپ کے جوش و خروش اور توقعات میں اضافہ ہوگا۔
کوکا کولا پاکستان و افغانستان کے نائب صدر فہد اشرف کا اس حوالے سے کہنا ہے کہ”کھیل قوموں اور لوگوں کو ایک دوسرے کے قریب لاتے ہیںاور کوکا کولامیں ہم اتحاد کے اس جذبہ کو آگے بڑھاتے ہوئے بے حد خوش ہیں۔“
فیفا ورلڈ کپ کے فاتح اور لیجینڈری فٹبالر کرسٹین کریمبیوٹرافی کے ساتھ ہوں گے ،تاکہ پاکستان میں شقائقین کو فٹبال میںسب سے زیادہ پہچانی جانے والی علامت کو دیکھنے کا موقع فراہم کیا جاسکے۔
پاکستان ان 51ممالک میں سے ایک ہے ،جن کا اس سال فیفا ورلڈ کپ ٹرافی دورہ کرے گا،فیفا کے ساتھ ملکر کوکاکولا 2030تک تمام211فیفا ممبر ایسوسی ایشنز کا دورہ کرنے کا ارادہ رکھتا ہے۔
