وزیرِ اعلیٰ پنجاب حمزہ شہباز شریف کا کہنا ہے کہ ماں سے محبت کے لیے زندگی کا ہر لمحہ اور سال کے 365 دن بھی وقف کردئیے جائیں تو کم ہیں، وزیرِ اعلیٰ پنجاب حمزہ شہباز نے ماؤں کے عالمی دن کے موقع پر جاری کیے گئے اپنے پیغام میں یہ بات کہی۔
ان کا کہنا ہے کہ ماں جیسی عظیم ہستی سے اظہارِمحبت کے لیے ایک دن مخصوص نہیں کیا جاسکتا۔
وزیرِ اعلیٰ پنجاب کا مزید کہنا ہے کہ اپنی ماں کی دعاؤں سے ہی وزارتِ اعلیٰ کے منصب پر فائز ہوا ہوں۔
حمزہ شہباز کا یہ بھی کہنا ہے کہ ساڑھے 3 سال بعد قطر میں والدہ سے ملاقات کی اور ان کے ساتھ وقت گزارا۔ اللہ کا کائنات کی اس عظیم نعمت پر جتنا بھی شکر ادا کریں کم ہے۔
