لاہور: (ویب ڈیسک) گورنر پنجاب عمر سرفراز نے آئینی ماہرین کا ایک اور ہنگامی اجلاس طلب کرلیا۔ اجلاس آج شام گورنر ہاؤس میں گورنر عمر چیمہ کی زیر صدارت ہوگا۔
گورنر ہاؤس میں ہونے والے اجلاس میں حمزہ شہباز کی حلف برداری کا جائزہ لیا جائے گا۔ لاہور ہائیکورٹ میں ہونے والی پٹیشن کا بھی جائزہ لیا جائے گا۔ حلف برداری میں غیر آئینی اقدامات کا بھی جائزہ لیا جائے گا۔ گورنر پنجاب حلف برداری کی تقریب کو مسترد کر چکے ہیں۔ حلف برداری کے بعد کے لیگل آپشنز کا جائزہ لیں گے۔
