ٹوکیو: (ویب ڈیسک) جاپان کے شمال میں جزیرے ہوکائیڈو کے قریب دو بچوں سمیت 26 مسافروں سے بھری سیاحتی کشتی لاپتہ ہوگئی۔
جاپانی میڈیا کے مطابق جاپان کے کوسٹ گارڈز نے بتایا کہ سیاحتی کشتی جس میں دو بچوں سمیت 26 مسافر سوار تھے، جاپان کے شمالی جزیرے ہوکائیڈو کے گرد سیر کے دوران لاپتہ ہوئی۔
‘KAZU I’ نامی کشتی کے عملے نے کوسٹ گارڈز کو دوپہر 1:15 پر اطلاع دی کہ وہ پانی میں طغیانی کا شکار ہے جبکہ 3 بجے کے قریب رابطہ منقطع ہونے سے پہلے کشتی 30 ڈگری پر جھکنے کی اطلاع دی۔
کوسٹ گارڈز نے مزید بتایا کہ کشتی کا سراغ لگانے کیلئے ایک ہیلی کاپٹر اور گشتی کشتیاں روانہ کی گئیں تاہم رات 9 بجے تک کشتی اور نہ ہی مسافروں سراغ مل سکا ہے۔