کراچی : (ویب ڈیسک) سابق وزیر داخلہ شیخ رشید نے رمضان المبارک کے مقدس مہینے میں عمرے کی سعادت حاصل کر لی۔ روضہ رسولﷺ پر حاضری کی تصویر بھی جاری کر دی گئی۔
عوامی مسلم لیگ کے سربراہ شیخ رشید کے ٹوئٹر اکاونٹ سے ان کی روضہ رسول ﷺ پر حاضری کی تصویر جاری کر دی گئی ہے ۔
سوشل میڈیا پلیٹ فارم پر جاری کی گئی اس تصویر کے ساتھ پیغام میں لکھا گیا ہے کہ شیخ رشید نے عمرہ کی ادائیگی کے بعد روضہ رسول ﷺپر حاضری دی۔
سابق وزیر داخلہ شیخ رشید گزشتہ اتوار کی شام جناح انٹرنیشنل ائیر پورٹ کراچی سے جدہ روانہ ہوئے تھے۔
