ریاض:(ویب ڈیسک) سعودی ولی عہد محمد بن سلمان سے روس کے صدر ولادی میر پیوٹن کا ٹیلیفونک رابطہ ہوا ہے۔
عرب میڈیا کے مطابق روسی صدر نے شہزادہ محمد بن سلمان کو ٹیلیفون کیا جس میں دونوں ممالک کے تعلقات کو وسعت دینے، مفاد عامہ کے شعبوں میں کو فروغ دینے پر تبادلہ خیال کیا گیا۔
رہنماؤں نے باہمی دلچسپی کے امور سمیت دونوں ممالک کو قریب لانے کے لیے اقدامات پر گفتگو کی۔
ٹیلیفونک رابطے میں یمن اور یوکرینی مسئلے پر بھی بات چیت کی گئی۔ شہزادہ محمد بن سلمان نے یوکرینی بحران کے سیاسی حل، سلامی اور استحکام کے حصول کے لیے ہونے والی مملکت کی کوششوں کی حمایت کی۔
ولی عہد نے یوکرین کے سیاسی حل کے لیے مملکت کی حمایت کی توثیق بھی کی۔ رابطے میں یمن اور یوکرین کی حالیہ صورتحال پر تبادلہ خیال بھی ہوا۔
