پاکستان مسلم لیگ ن کے رہنما احسن اقبال نے کہا ہے کہ عمران نیازی اپوزیشن کیساتھ میچ شروع کرنے سے مسلسل فرار اختیار کر رہا ہے۔عدم اعتماد کے باؤنسر کے خوف سے اس کی مسلسل کانپیں ٹانگ رہی ہیں۔
اپنے ایک ٹوئٹ میں احسن اقبال کا کہنا تھا کہ عمران نیازی ہمارے نوجوانوں کے لئے کیا مثال قائم کر رہے ہیں؟میچ ہار جاؤ تو کیا کرو؟وکٹ پہ لیٹ جاؤ، ایڑیاں رگڑو،میدان خراب کرو مگر قانون نہ مانو اور خوب بے عزت ہو۔انہوں نے کہا کہ شاہ محمود قریشی اور اسد عمر کی تقریروں سے ظاہر ہوا کہ دونوں میں زبردست مقابلہ جاری ہے کہ پی ٹی آئی کا نیا قائد کون ہو گا؟اسد عمر کمربستہ نظر آتے ہیں کہ ان پر بھی توہین عدالت کا مقدمہ قائم ہو۔ یہ سپریم کورٹ کے فیصلے پر تنقید کر رہے ہیں۔
