کامونکے: (ویب ڈیسک) بدبخت نے بیٹیاں پیدا ہونے پر بیوی کو زندہ جلا دیا، ملزم کمسن بیٹیوں کو ساتھ لے کر فرار ہو گیا۔
میڈیا رپورٹ کے مطابق تھانہ واہنڈو کے علاقے شیخو میں عتیق احمد کی شادی 4 سال قبل موضع تمبولی کی رہائشی ثوبیہ سے ہوئی۔ شادی کے بعد یکے بعد دیگرے 3 بیٹیاں پیدا ہوئیں جس کی وجہ سے ملزم عتیق اکثروبیشتر بیوی کو تشدد کا نشانہ بناتا رہتا، گذشتہ روز سہ پہر کے قریب عتیق نے ثوبیہ کو آگ لگا دی۔
خاتون مدد کیلئے اردگرد کے لوگوں کو مدد کیلئے پکارتی رہی لیکن کوئی نہ پہنچا اور ثوبیہ جھلس کر جاں بحق ہو گئی۔ بیوی کو جلانے کے بعد ملزم 3 کمسن بیٹیوں کو لے کر موقع سے فرار ہو گیا، واہندہ پولیس نے تفتیش شروع کر دی۔
